Mashabiki wa Liverpool wanakabiliwa na uwezekano wa kumuaga mmoja wa wachezaji wao muhimu, Mohamed Salah, mwishoni mwa msimu huu. Mshambuliaji huyo wa kimataifa kutoka Misri amekuwa nguzo muhimu katika mafanikio ya klabu hiyo, akiwa amefunga mabao 27 hadi sasa. Mafanikio haya yamewafanya Liverpool kuwa moja ya timu zinazopewa nafasi kubwa ya kutwaa taji la Ligi Kuu England.
Hata hivyo, mustakabali wa Salah Anfield umekuwa ukizua maswali mengi. Mkataba wake unatarajiwa kumalizika mwishoni mwa msimu huu wa kiangazi, na bado hakuna dalili za makubaliano mapya kati yake na klabu. Hali hii inawalazimu viongozi wa Liverpool kuanza kufikiria uwezekano wa kupata mbadala wake, endapo ataamua kuondoka.
Katika kuelekea kutafuta mbadala wa salaah, kuna wachezaji sita ambao wanaweza kujaza pengo hilo iwapo nyota huyo ataondoka.
1. Nico Williams (Athletic Club)
Nico Williams amekuwa akionyesha kiwango cha kuvutia katika soka la Ulaya. Umahiri wake katika michuano ya Euro 2024, ambapo alisaidia Hispania kutwaa taji, umezidi kumtangaza. Ana kasi, ujuzi wa hali ya juu, na uwezo wa kupenya safu za ulinzi kwa wepesi. Licha ya kucheza zaidi upande wa kushoto tofauti na Salah anayependelea kulia, Liverpool wanaweza kumtumia endapo watafanya mabadiliko katika mbinu zao.
2. Bryan Mbeumo (Brentford)
Bryan Mbeumo ni miongoni mwa wachezaji wenye vipaji vikubwa katika Ligi Kuu England, lakini hawapewi sifa wanazostahili. Mshambuliaji huyo kutoka Cameroon ana uwezo mkubwa wa kufunga mabao kwa kutumia mguu wake wa kushoto. Pia hutumia nguvu na kasi kubwa, sifa zinazofanana na Salah. Kutokana na gharama yake ya usajili kuwa chini, anaweza kuwa chaguo sahihi kwa Liverpool endapo hawataki kutumia fedha nyingi sokoni.
3. Takefusa Kubo (Real Sociedad)
Takefusa Kubo, nyota kutoka Japani, amekuwa akicheza katika kiwango bora akiwa na Real Sociedad. Anajulikana kwa ujuzi wake wa kumiliki mpira na kupenya ngome za wapinzani. Ingawa hajafikia viwango vya mabao na pasi za mabao vya Salah, ana uwezo wa kuimarika zaidi akiwa chini ya kocha mzuri kama Arne Slot.
4. Johan Bakayoko (PSV Eindhoven)
Johan Bakayoko, mchezaji mwenye umri wa miaka 21 kutoka Ubelgiji, ameonyesha uwezo mkubwa akiwa na PSV Eindhoven. Msimu uliopita, alichangia mabao 21 katika Ligi Kuu ya Uholanzi. Liverpool wamekuwa wakifuatilia maendeleo yake na wanaweza kumchukua kama sehemu ya kujenga upya safu yao ya ushambuliaji.
5. Jamie Bynoe-Gittens (Borussia Dortmund)
Jamie Bynoe-Gittens, chipukizi wa Borussia Dortmund, ameonyesha dalili za kuwa nyota mkubwa. Ana kasi, ujanja wa hali ya juu, na uwezo wa kufunga mabao. Changamoto pekee ni kwamba anacheza zaidi upande wa kushoto, hivyo hatakuwa mbadala wa moja kwa moja wa Salah. Hata hivyo, ni mchezaji mwenye kipaji kikubwa ambaye anaweza kufaa Liverpool kwa muda mrefu.
6. Jarrod Bowen (West Ham United)
Jarrod Bowen amekuwa na misimu bora sana akiwa na West Ham United. Amefunga mabao mengi na kutoa pasi za mabao muhimu. Ana uzoefu wa Ligi Kuu England na ameonyesha uwezo wa kupambana na timu kubwa. Changamoto kubwa ni umri wake wa miaka 28, jambo ambalo linaweza kuwafanya Liverpool kuwa na mashaka juu ya muda wake wa kudumu katika kiwango cha juu.