CPA Amos Makalla amesema kuwa Chama Cha Mapinduzi (CCM) kiko tayari kushiriki katika uchaguzi mkuu pamoja na vyama vingine vya siasa ambavyo viko tayari kushiriki, ili kutekeleza matakwa ya Katiba ya Jamhuri ya Muungano wa Tanzania.
Sambamba na hayo, Makalla ameeleza sababu zinazodaiwa kupelekea Chadema kutokuwa tayari kushiriki uchaguzi. Alidai kuwa moja ya sababu ni kutokuwa na maandalizi ya kutosha kwa chama hicho kushiriki uchaguzi mkuu. Aliongeza kuwa migogoro inayoendelea ndani ya chama hicho imesababisha mpasuko na kutokuwa na utayari kutokana na tofauti za kimsimamo.
Makalla alisema kuwa licha ya Chadema kutokuwa tayari kushiriki uchaguzi huo unaotarajiwa kufanyika mwaka huu, kuna wanachama ndani ya chama hicho ambao wana hamu ya kugombea nafasi mbalimbali, ikiwa ni pamoja na udiwani na ubunge. Aliwataka wanachama hao wasikate tamaa na badala yake waende kugombea kupitia vyama vingine ili kutimiza ndoto zao.