Rais wa Marekani, Donald Trump, amesema kuwa anaweza kupunguza ushuru kwa China ili kukamilisha makubaliano ya kupata haki za biashara za Marekani za mtandao wa kijamii wa China, TikTok.
Trump alisema haya mnamo Machi 26 (saa za Marekani), alipokutana na waandishi wa habari katika Ikulu ya Marekani, Washington DC. Alisema, "Tutakuwa na makubaliano na TikTok kwa namna moja au nyingine."
Rais Trump pia alisema kuwa ikiwa makubaliano hayatakamilika ifikapo Aprili, wakati ambapo sheria ya kupiga marufuku huduma za TikTok nchini Marekani itaanza kutekelezwa, basi anaweza kuongeza muda wa kusitishwa kwa sheria hiyo.
Hapo awali, Bunge la Shirikisho la Marekani lilitunga sheria ya kupiga marufuku TikTok mnamo Aprili mwaka jana, kwa sababu ByteDance inakusanya taarifa binafsi kwa wingi, na kuna wasiwasi kwamba inaweza kuhatarisha usalama wa taifa. Rais wa zamani, Joe Biden, alisaini sheria hiyo na kuanza kutumika. Hata hivyo, mara tu baada ya Rais Donald Trump kurejea Ikulu ya Marekani mnamo Januari 20, alisaini agizo la utendaji ili kusitisha utekelezaji wa sheria ya kupiga marufuku huduma za TikTok nchini Marekani kwa siku 90.