Tetemeko kubwa la ardhi limetikisa eneo la kati mwa nchi ya Myanmar, huku mitetemeko yake ikisikika hadi katika mji mkuu wa Thailand, Bangkok.
Kulingana na shirika la habari la CNN, Taasisi ya Utafiti wa Jiolojia ya Marekani (USGS) imeripoti kuwa tetemeko hilo lenye ukubwa wa 7.7 kwa kipimo cha Richter lilitokea Machi 28 (kwa saa za huko) yapata saa sita na dakika hamsini mchana. Kitovu cha tetemeko kilikuwa kilomita 16 kutoka Sagaing, mji ulioko karibu na jiji la pili kwa ukubwa nchini Myanmar, Mandalay.
Takriban dakika kumi na mbili baada ya tetemeko la kwanza, tetemeko dogo la pili lenye ukubwa wa 6.4 liliripotiwa katika eneo hilo hilo.
Mitikiso ya tetemeko hilo ilisikika hadi nchini Thailand. Shirika la habari la Reuters liliripoti kuwa mashuhuda walioko Bangkok walisema watu walipanic na kukimbilia mitaani, huku maji katika mabwawa ya kuogelea yakimwagika.
Haijaripotiwa mara moja kama kuna madhara yoyote au majeruhi kufuatia tetemeko hilo kubwa. Hata hivyo, ukubwa wa tetemeko lenyewe unaashiria uwezekano wa kuwepo kwa uharibifu katika maeneo yaliyo karibu na kitovu chake.